A vera ragiò di e leie trà sti dui territorii chì ùn anu nunda in cumunu hè a persunalità di Jean-Marie Zacchi, pittore cerviunincu di rinomina internaziunale. L’artistu hè assai apprezzatu in u mondu artisticu giappunese. Hè invitatu regularmente à a mostra mundiale di l’arte cuntempuraneu francese à u Giappone ind’u National Art Center di Tokyo. Ci sò dinù e tele è fotografie d’altri artisti corsi : Carina Simoni, Patrice Graziani, Antoinette Nicolini, Leti Dor, Christine Paoli è Françoise Baffico-Olmiccia chì hà spostu pocu fà a so tela “Cervioni”. 

L’artista cerviuninca hà apertu l’attellu San Ghjuvanni in Bastia, vicin’à u Vechju Portu. L’annu scorsu, hà spostu a so tela pinta à l’oliu “Les palmiers bleus” à a mostra giappunese. Dice : ghjè una sperienza unica chì l’artisti corsi devenu à Jean-Marie Zacchi. Li sò ricunniscente d’apreci un orizonte simule è ringrazieghju dinù a squadra di u CEAE, in particulare Magori Bompei, presidente di u Japan International Artists Society, di u circulu di l’amichi di l’Europa è di l’arti è a direttrice Yuka. Cusì, hè mantenutu a leia artistica è amicale trà a Corsica è u Giappone induve Cervioni hà una piazza prescelta.