accolta > adecec

A chjama di l’ADECEC pè organisà a prossima Ghjurnata 2024 st’estate nant’à a rivista Kyrn

U nostru associu pussede quasi tutti i numeri di Kyrn, fundata da Aimé Pietri. Sta rivista misinca è dopu settimanale chì hà testimuniatu è interrugatu a diversità di a sucetà corsa in e so cuntradizzione è crise. Giurnale precursore, Kyrn hè stata una riesciuta ind’è i lettori. Hà rivuluziunatu u rolu di a stampa corsa è ghjè una rivista di riferenza pè l’isula ma dinù pè quistione mediterranie. Hè stata dinù l’attore di u Riacquistu ch’ella accumpagna editorialmente. A ghjurnata di st’estate serà dinù l’occasione d’un omagiu à Aimé Pietri. 

L'ADECEC manda un messagiu à tutte e persone chì anu infurmazione nant’à sta rivista o sì vo cunnisciute persone chì anu st’infurmazione. Cusì, serete invitate à participà à a ghjurnata, allora fatevi cunnosce chjamendu à u 04 95 38 12 83.