Pace di Natale

Dolce notte,
notte santa
Di pace tuttu s'incanta
In celu luce una stella
A più grande è a più bella
Sparghje u so lume prufondu
Pè a salvezza di u mondu

Natale
Vulemu un Natale
Di pace universale
Natale
Vulemu un Natale
Di pace universale

Notte santa,
dolce notte
Hè sunata a mezanotte
È u focu di Natale
Sveglia l'anima nustrale
Canti sacri à u Divinu
Hè natu Ghjesù Bambinu

Natale
Vulemu un Natale
D'amore universale

Ghjesù Bambinu

Millaie di stelle accese
In celu lucenu inseme
Sopr'à una stalla appese
Un ciucciu hè natu in Bethleeme

Dorme serenu in la paglia
Sumere è boie vicinu
L'omu di fede ùn si sbaglia
Sta notte hè natu u Bambinu

Incensu mirra è rigali
Gaspara Baltasare Melchiore
Pastori è tant'animali
Pè a gloria di u Signore

U mondu hè in alegria
In grazia di lu Divinu
Per l'amore di Maria

Hè natu Ghjesù Bambinu
Per l'amore di Maria
Hè natu Ghjesù Bambinu 

JP Orliac

A sera di mezanotti

A sera di mezanotti,
nasce nasce un ziteddu,
figliol'di u nostru mondu
Chì si chjama bambineddu....
Da tutti li so rughjoni pà li monti è li sarri,
sò vinuti li parsoni pà li fiumi è li mari.
Li sumeri è li ghjumenti cù li sporti di friteddi
purtani tamanti somi da campà vechji è ziteddi... 
 l
Luci a stedda in altu celi è s'accheta la timpesta,
chì a terra in aliconu si ralegra d'essa in festa.

Li pastori in campagna stani à senta li zampugni
chì risonani in i valdi parfinchi a ghjenti ghjunghji...
Bambineddu d'aligria chì ci accogli in i to mani,
bambineddu d'aligria sè spiranza par dumani.

Rinatu COTI  

Natalellu

Viaghji pianu sott’à e stelle
Pè i zitelli è e zitelle
Traversi solu tutta la notte
Per empie tanti scarpi è botte

Babbu Natale o Natalellu
Vai nant’à u to nuvulellu
Babbu Natale o Natalellu
Vai nant’à u to nuvulellu

Puru s’è tremu eiu t’aspettu
Mi piattu in fondu à u mo lettu
Tandu mi piglia u batticore
Appena ch’e sentu un rumore
Babbu Natale o Natalellu
Vai nant’à u to sumirellu

Babbu Natale o Natalellu
Vai nant’à u to sumirellu
Ne simu à pena in prima sera
Digià ti mandu una prighera
Ti sognu in celu è poi mi fali
Una muntagna di rigali

Babbu Natale o Natalellu
Vai nant’à u to carittellu
Babbu Natale o Natalellu
Vai nant’à u to carittellu
Fà casu avà d’ùn piglià male
Per ghjunghje à un antru Natale
Dopu avarè riposu è asgiu
Intantu eiu ti mandu un basgiu

Babbu Natale o Natalellu
Vai nant’à u to nuvulellu
Babbu Natale o Natalellu
Vai nant’à u to nuvulellu
Vai nant’à u to sumirellu
Vai nant’à u to carittellu 

JP Orliac