| A stallazione " Pastorale
" prupone à i sensi di u spettatore un'alleguria di a natalità,
di u ciculu di a vita è di a nascita, una sinfunia di quaranta cinque
minuti : sumente di granu spargugliate in pianu segondu un chjassu chì
omu crede stabbilitu capunanzu. Si sentenu u cantu di e balene, u dialogu
di l'acelli... St'alleguria ammenta a tradizione di Santa Barba, di u presepiu,
di l'equinoziu.
In un altru spaziu di a galleria, l'arnese video ci mostra una perfurmanza
cullettiva : sumente di risu sò lampate da i spettatori nant'à
un lenzolu neru spiegatu in pianu. Un chjerchju di lume hè diffusatu
nant'à stu lenzolu è lascia scopre à pocu à
pocu u visu di un zitellu d'Africa nera, à quessu li si ghjetta
u risu. Accantu, un tavulinu in un scornu di a pezza c'invita à
pusà pè fà cena è si vede in u piattu u vistu
di stu zitellu.
|
|
|
|
Ghjuvanni Torregrossa c'invita dopu à
entre in u spaziu di puesia : " Arrêt sur texte " presenta
una seria di fiure di televisione, in fattu sò dialoghi puetichi.
Ogni video d'Akénaton nant'à a puesia è u puetu sò
opere fatte di scherzu di sè stessu... Akénaton s'hè
interrugatu dinù sopr'à a manera pè l'arte d'intervene
à modu pusitivu nant'à a natura, una natura Corsa cusì
perfetta... " 3feu " hè una risposta. Scrittu in sticcatelli
di legnu brusgiati pinti in rossu, u titulu dice u decoru. Futugrafie di
una natura stirpata da u focu induve l'arburi brusgiati sò stati
pinti in rossu da l'artisti cambiendu u paese arruvinatu in callarecciu
terrestru di curallu.
Infine, si scopre à " Dissonances ". Ancu s'ella hè
discreta, hè quantunque a pezza maestra è u puntellu di
u travagliu d'Akénaton : sta fotocopia mustrendu un'accatastera
di strumenti di musichi cù à mezu una pistola, rammenta
à Akénaton a frasa famosa di Goëbels : " Quandu
sentu a parolla " cultura ", pigliu u rivolveru ".
|
