A parte da l’idea originale di l’autora Marie-Michelle Leandri, Jean-Michel Schiavo hà rialisatu un filmu nant’à chjave USB dispunibule grazia à una sottuscrizzione. Hè statu rialisatu in u 2023 durante a prucessiò di u Venneri Santu in Santa Lucia di Tallà, diretta da l’abbate Jean-Christophe Avazeri è a cunfraterna San Francescu. Sta cunfraterna, presidata da u so piore Victor Lucchini, organiseghja ogni annu e viacruci di u venneri santu. In stu paese, a rialisazione di a prucessiò ciotta in u più prufondu di u sacru è a tupugrafia di u paese hè u locu perfettu pè rammentà a Passione di u Cristu. L’ambienza senza ornamentu di u vechju Tallà, u so cunventu, u so alivetu, a cullata di u vechju paese danu un cuntestu sputicu. L’intensità dramaturgica di a manifestazione face chì u publicu hè sempre numerosu ind’a prucessiò cù i so canti sacri di u Coru è e voce magnifiche.

Stu filmu hè in vendita cù una sottuscrizzione. Aldilà di e 50 vendite di a chjave USB, i benefizii seranu pè a cunfraterna San Francescu di Santa Lucia di Tallà. Jean-Michel Schiavo hè diplumatu di a scola suprana di rialisazione audiovisiva in Parigi in u 1982. Travaglia in Corsica dapoi u 1985 è hè specialisatu in filmu d’intrapresa, documentari, filmi museugrafichi.