|
|
||
| ||
|
18/07/2008
« DA MÈ À TÈ », U PRIMU DISCHETTU DI NATALINA SIMONETTI
A nostra amica Natalina Simonetti, figliulina di u pueta musicante di Cervioni, Ghjuvanni Simonetti, nè nata in a musica è u cantu è, da ch’ella hè zitella, sta « musichella » ch’ella hà sempre intesa in la so mente è in lu esse stessu, oghje, a vole porghje à l’altri, à i soii, quelli di u so paese, à a ghjente corsa ma dinù à quelli d’altrò... Tant’anni fà, quand’ella era giuvanotta à u Liceu di Montesoru, in Bastia, a so voce latina incantava e so amiche è a giuventù liceana... Oghje, ci rigala u so primu dischettu, creatu è assestatu in u lu Studiu l’Angelina in E Valle di Rustinu è ghjè per noi, un incantu di stalla à sente... è ci campemu ! Dunque, li preghemu tutta a riesciuta ch’ellu merita ! A canterina ringrazia à Jean-Bernard Rongiconi, Viviane Loriault, Melanie Olmiccia, Patrizia Gattaceca, Corinne Champier, JB, Felì, Dédé Sekli, Mathieu è Alexandre. Antone Marielli è u gruppu Diana di l’Alba, Georges Piazzoli, Paulu Santu Parigi, Philippe Pimenoff, Georges Grego, Marcelle, Florence, u salottu di pettinatura Atmosf’hair, Ricordu, l’ADECEC. Natalina pensa dinù à Babbu, Mamma, Mémé Marie è Berthe, Céline è Jo, Jean-Michel, i so cugini è a so famiglia, tutti i so amichi, Gregale è Aldo, quelli chì l’anu accumpagnata pè a rializazione di stu dischettu. Infine, u dedicheghja à u so caccaru Ghjuvanni Simonetti. U so numeru di telefunu : 06 34 14 15 00 o nathalie.simonetti@yahoo.fr Riferenza in l'archivii ADECEC: A – Da mè à tè 17.07.08 MARIELLI
|
