|
|
||
| ||
|
19/12/2007
I CHJAMI AGHJALESI À U BATACLAN
I Chjami Aghjalesi seranu nant'à a scena di u Bataclan u 12 di ghjennaghju di u 2008. Un spettaculu novu serà prisentatu in a capitale, cù altri strumenti (trumbette, trumbonu, sassofunu), chì s'aghjusteranu à e chitarre, basse, viulini, mandulina è cetera. Anu fattu dinù un novu dischettu, intitulatu "Nuvale",chì escerà à u veranu di u 2008 è chì hè particulare, i Chjami Aghjalesi si sò chjappi di passione pè i cori di "l'Armata Rossa", pè i so ritimi è anu travagliatu un titulu intitulatu "Borgu" favurizendu l'armunie vocale piuttostu chè i strumenti musicali. Maì Pesce hà un secondu discu in preparazione intitulatu: "Iò", cù riprese di canzone di Carlu Rocchi, Tino Rossi è un scrittu di Battì Raffalli "A Madonna di Ficaghjola". Riferenza in l'archivii ADECEC: A - CM 18.12.07 M.M
|
