11/10/2001

 

14E MUSICALI IN BASTIA

L'uriginalità di st evenimentu hè chì l'urganizadori vi pruponenu cuncerti à più pudè. Spettaculi cù tutte e forme musicali, pè suddisfà l'amatori d'un arte chì piace.
Sott'à a direzzione di Raoul Locatelli, a squadra urganizatrice hè riesciuta à cunvince stituziunali è spettatori pè ghjunghje à creà una manifestazione musicale maiò senza sminticà a rimessa di u Premiu « Jeunes Talents du Grand Sud » u 12, 13, 15 è 16 d'ottobre à 6 ore è mezu à u « Magic Mirrors », piazza Santu Niculaiu (premiu di i prufessiunali attribuitu da « Corsica » ; u premiu di u Publicu attribuitu da a Mutuale generale di a Corsica è u premiu di i Giovani da a direzzione Dipartimentale di a Ghjuventù è di i Sporti.

Rinsignamenti à u 04 95 32 32 30
Riservazioni pè quelli chì stanu fora di l'agglumerazione bastiaccia : 04 95 34 98 00

Pussibilità pè i cuntinentali d'un seghjornu culturale corsu durante u festivale :in battellu partendu da Nizza o Tulò cù a « Corsica Ferries » (810 F). Rinsignamenti è Riservazioni à u 04 95 32 95 54 o 62 ; fax : 04 95 32 90 89. In avviò partendu da Nizza cù CCM-Airlines à partesi da 1256 F (cù una vittura di lucazione). Partenze da Marsiglia, Lyon, Lille o Pariggi. Rinsignamenti è riservazioni:04 95 29 05 06 o 09

Scuperta à a « Flèche d'Or » in lu 1999, hè ritenuta pè fà a prima parte di Diana Krall à « l'Olympia ». Dopu, di ghjennaghju di u 2001, esce u so primu discu « Milagro » ; digià a critica cunsidereghja sta canterina giovana cum'è una di e scuperte di l'annu. Si sprime cù « u rock, un folk tesu, jazz », è canti d'amore è di tristizia.

 

I CULOMBI MIGRATORI è SEDENTARII

A caccia à i culombi in Corsica hè unu di i divertimenti duminicalidi certi cacciatori, durante a stagione di u 1998/1999, sò stati ricensati 93 4000 individuu. E vulate di « culombi », in muntagna vicinu à e foci si facenu di più in più scarse è questa dipoi trent'anni. I Cacciatori sveghjuli nanzu à l'alba cù cani è fucili partenu à caccighjà « i culombi ». Ghjè un'ocellu apreziatu, ma si cunnoscenu pocu e so qualità ecologiche. Christian Pietri sottulineeghja in u bigliettinu annuale di u cunsigliu regiunale di a caccia in Corsica, chì 93 4000 culombi sò stati ricensati. Si u culombu dettu (ramier), dispone d'una larga striscia bianca nant'à l'ale è d'un cullare biancu, esiste dinù u culombu dettu (biset), chì si ricunnosce à e so duie striscie nere nant'à l'ale, è u culombu dettu (colombin), migratore più raru è spruvistu di tacche bianche. L'osservazioni portanu cusì nant'à trè generi di pupulazioni :

• I culombi chì sò sedentarii, chì stanu in Corsica durante tutta l'annata.


• I culombi chì sò di passeghju hè chì migranu d'invernu in Sardegna è in Africa di u nordu.


• È i culombi chì venenu à stà in l'isula da una perioda chì và da uttobre à aprile.

I culombi eranu lucalizati in e fureste, in muntagna, u culombu dettu (ramier), face u so nidu in ogni regione di a Corsica da u Capi Corsu, a Bunifaziu. A pupulazione hè evaluata à qualchì millaiu di copii, chì vivenu in bande in e machje è l'uliveti. Una parte di i culombi migratori si resta in Corsica, l'altra cuntinueghhja u viaghju versu u sudu, ma a stù prupositu nisun studiu hè statu fattu. L'evuluzione di l'effettivi chì francanu è foci hè in diminuzione dipoi trent'anni, cum'è d'altronde in Italia, è in e Pirenee. Ghjè forse un fenomenu Europeu. L'effettivu di i culombi chì invernanu hè in aumentazione in Francia cuntinentale, è in Italia, ma micca in Corsica. Perchè ? U studiu di u bigliettinu annuale di u cunsigliu regiunale di caccia ricensa risposte chì ùn anu nisun caratteru scientificu « pè u sviluppu è a sedentarizazione di a specia in l'ambiente agriculu è urbanu nant'à u cuntinente », o sempliciamente per via di a caccia intensiva di i culombi. Teurie chì ùn sò micca cumpattibile. Un studiu ornitologicu più apprunfunditu nant'à a ripruduzzione di i culombi derebbi dipiù precisioni.
Puntellu di a caccia in Corsica, u culombu hè unu di i più cacciaghjati dopu à i torduli. Per prutegene u capitale serebbi necessariu di fà studii è di mette in opera una gestione di a specia più adatta.

 

L'IMPERU DI U BUGHJU

U ghjornu è a notte, in a tradizione, currispondenu à dui mondi. Ùn ci vene faciule, à noi chì e notti sò schjarite cum'è u ghjornu di risente torna ciò ch'ella pò esse una notte nera è chì dà penseru.
Tempi fà, u ghjornu, si circulava senza prublema, ma era arricumandata d'ùn andà di notte fora di u paese. Solu i marginali è i banditi si risicavanu in un universu salvaticu induve l'omu pudia esse in periculu. E minacce di notte è a notte d'invernu portanu à fà a veghja. Pè andacci, omu si schjaria cù « l'asphodèle » (chjamata secondu i lochi « tirlu, luminellu, talavellu, talavucciu… »). Sta pianta hà un rapportu strettu cù u sopranaturale di u « pratu di i tirli » induve ci sò i morti di l'Inferni d'Homère cù u tirlu, l'arma di i mazzeri. À a veghja ci hè a ghjente, secondu à Austin de Croze in « La chanson populaire de l'île de Corse » chì dice chì s'addunisce omu in a sala cumuna, e donne discorrenu scegliendu e castagne o filanu ; l'omi « parlanu capunanzu è pè una bella stonda di pulitica », ghjocanu à a scopa è cantanu. Ùn ci vole micca à crede chì a veghja hè sempre listessa : i participanti è l'attualità a ponu cambià. Più u tempu passa è più u fume cresce. Si cuntavanu e fole è i stalvatoghji, comichi ogni tantu, chì tuccavanu spessu u sopranaturale, principiendu cusì : « una volta ci era… » è, dopu avella conta, si cunclude : « Fola fuletta, meza calzetta, dite a vostra chì a mea hè detta. »
Sò amentati dinù fenomeni accaduti di notte. Ind'è Martinu Appinzapalu, paisani scontranu una prucessiò di morti purtendu un catalettu, è tiranu nant'à una calzetta di lana chì ghjè nantu. Ghjunghjenu dopu in una casa induve u prupietariu, chì si muria, si sente megliu dapoi l'ora di u tiru : a calzetta chì ghjera a soia, l'hà lasciata scappà a Squadra d'Arrozza (si chjamava cusì sta prucessiò di morti in e cridenze).
Certe volte, ste fole sò un'amparera di u curagiu o di u dubbitu : u giuvanottu chì credia avè scontru una « sciacquaghjola » (una lavandara di notte), custatta ch'ella hè in fatti una vechja chì vulia fà a lisciva senza esse vista : u giuvanottu ne cunclude dicendu : « à parte da quella sera, aghju viaghjatu in tutti i lochi, di ghjornu è di notte, è ùn aghju avutu mai più paura ». In quant'à a veghja murtuaria, era quantunque piena à storie comiche è suvente licenziose. E veghje dicenu a putenza di a vita in cor di a disgrazia è di l'invernu. I zitelli « ghjocanu à fassi a paura » ma ci vole à vultà è ritruvà a notte inchietente. Mazzeri è murtulaghji giranu è esseri misteriosi entrenu ancu in casa : streghe, surpatori, o u fullettu ma quessu face e macagne chì rompenu e stacche, senza periculu particulare.
U mantenimentu di ste credenze cambia secondu i rughjoni. Certi vedenu e manifestazioni d'un altru mondu, altri danu spiegazioni « terre à terre ». Una prucessiò di murtulaghji pò piattà ladri chì si ghjocanu à a risa e so vittime.

 

 

Rivene à u principiu