A u pueta Coltelloni

Quandu nè sò ghjuntu in casa
È seratu lu portone,
Nanzu d'accende lu focu
Ch'era spintu lu fucone
Aghju lettu cun piacè,
Lu Puetu Coltelloni.

Eiu, sò lu petti rossu,
Voi site lu rusignolu.
U mio cantu è cortu cortu,
Lu vostre è d'altore volu.
Da livente à lu Ponente,
Cantate gioia è dolu.

A v'hà dette Rochiccioli,
A vi ripete Gregale :
Site cum'è Petru Leca,
Peppu Fiori, Maistrale.
Surtite di lu rughjone
Stendite le vostre ale.

Cù l'amicizia di Gregale.

Petre Filippi