Listinu di canzone, fate a vostra scelta :
Adattazione di « Petit papa Noël »
da D. Barrazza
In'ssa vigilia di Natale
A neve ammanta u casale
Cù li so fiocculi d'argentu
Accumpagnati da u ventu
In casa à a luce d'una veghja
Un zitellucciu sunnieghja
Ripigliu :
Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè
Vegu u so carriolu
Pè i sarri di Niolu
À i cunfini di l'albore
Quandu Cintu cambia di culore
Chjoccanu e campane di u paese
In quellu mumentu divinu
Si move a ghjente i cironi accesi
Sta notte hè natu u Bambinu
Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè
Vicinu à l'anticu fucone
In bracciu di lu me babbone
Cum'è una fiaccula di vita
Una carezza infinita
Ghjuvellu di una famiglia
D'Amore è pace ùn ci hè sumiglia
Fala Babbucciu Natale
Da li monti è da le valle
Per sparte gioia è piacè
Fate ch'ellu ùn si scordi di mè
Adattazione di « Douce nuit »
da Ghjacumu Fusina
Notte calma notte santa
Tuttu tace tuttu incanta
Ogni silenziu si face
Nant'à a terra fatta pace
Chì da i pastori curatu
Un zitellu hè puru natu
Notte calma notte santa
Tuttu tace tuttu incanta
Luce in celu stellaria
Cun bellezza è armunia
È splendureghja u core
Di l'omu chì conta l'ore
Notte calma notte santa
Tuttu tace tuttu incanta
Allegrezza fala in terra
Da la muntagna à la serra
Un amore lindu è puru
Scrittu
in fronte à u criaturu
Ùn si sente più chè soni
Ùn si vede più chè lumi
L'aria hè piena d'allegria
Di canzone è di prufumi
Or sapete la nutizia
Chì un pasturellu hà purtatu
Pare chì in un paisolu
Sta notte un Bambinu iè
Sta notte un Bambinu o cummà
Sta notte un Bambinu hè natu
Sunate campane
Per valle è muntagne
Hè natu lu Bambinu
U nostru rè divinu
O chì neve o chì fritura
Ma per dacci un paradisu
Nasce nentru una capanna
Tuttu luce è tuttu rise
Ci hè la vergine Maria
È Ghjiseppu ad ogni latu
U sumere cù lu boie
Danu lu so fiatu iè
Danu lu so fiatu o cummà
Sta notte un Bambinu hè natu
Sunate campane
Per valle è muntagne
Hè natu lu Bambinu
U nostru rè divinu
Ci hè la scala di Ghjacopu
Chì ne và finu à u cele
È si vede u colla è fala
Di l'arcanghjulu Michele
L'anghjulelli in paradisu
Tutti inseme anu cantatu
À u son' di a cialamella
È di l'organettu iè
È di l'organettu o cummà
Sta notte un Bambinu hè natu
Sunate campane
Per valle è muntagne
Hè natu lu Bambinu
U nostru rè divinu
Sunate campane
Per valle è muntagne
Hè natu lu Bambinu
U nostru rè divinu
G.T. Rocchi-G.F. Bernardini
Chì ghjè issu passu issu pighju chì ghjè
Entrite puru chì chjave ùn ci n’hè
Viaghjadore bona sera
Parite stancu calatevi quì
U focu anch’ellu vi dice di sì
Hè ora digià, digià di fà cena
A ci sparteremu state torna appena.
Ripigliu :
Ceppu di Natale piccia piccia tù
Ingrandaci u core grande ancu di più.
Issu luminellu chì luce culà
U seguitate vi ferà francà
Muntagne è mari sin' à ghjornu.
A terra sana pigliate à girà
Fateli tutti paesi è cità
Mettite allegria in tutte e case
Voi o messageru di sperenza è pace.
J.M. Thomas – B. Bacara
Natale, natale
Biancu di neve, pienu di sole
È di prighere senza parolle
Natale, natale
Senza pinseri, senza suffrenza
Tù faci luce una sperenza
Una sperenza n’un zitellucciu
Nat’arrisera n’un paisolu
Diu per dalli l’abbiucciu
Faci cantà u rusignolu
Natale, natale
Tutt’hè piacere tutt’allegria
Chì bellu ghjornu Santa Maria
Da le piaghj’à la muntagna
Per paisol’è cità
Sunate… campane
U signore v’accumpagna
In questa natività
Sunate… campane
Musica : Norbert Glanzberg
Parolle : Ghjacumu Fusina
Natale d’Amore veni è canta o fratellu
Natale d’Amore veni è canta cù mè
In tempi di Mamma una voce andata
Cantava fatata u Bambinu hè natu
A voce di Mamma amore è preghera
A voce di Mamma chì canta è chì spera.
Lumerucce ind’a neve mille stelle matuttine
L’omi in tresca à decine canteranu u so amore
Natale d’Amore in l’ochji d’un zitellu
Natale d’Amore sinceru riturnellu
U mondu principia cù sperenza appena
Un anghjulu balla solu nantu a scena
È sentu ancu avale a voce di Mamma
A voce di Mamma chì canta à Natale
Musica : N. Adam
Parolle : Ghjacumu Fusina
Hè mezanotte hè l’ora cusì bella
Chì un Diu fatt’omu falò sinu à quì
A prima tacca ellu a si cancella
Paterna zerga a calmò cusì
U mondu sanu freme di sperenza
In sta notte di u Salvadore
Populu chinu aspetta a so Putenza
Natale Natale eccu lu Redentore
U Redentore hà scioltu le catene
Libera hè a terra è u celu hè splendore
Hè un fratellu u schjavu chì vene
I prigiuneri l’unisce l’amore
Quale li purterà ricunniscenza
Fù per noi altri ch’ellu nascì è spirò
Populu arrittu canta a sperenza
Natale Natale eccu lu Redentore
Parolle : Ghjacumu Fusina
Musica : Antone Ciosi, P. Marfisi.
Paese chì ghjace
À pede di monte
Neru l’orizonte
È celu bambace
È l’annu si tace
Chì franca lu ponte
La so stella in fronte
Ci porta la pace
Riturnellu :
Natale hè venutu
Astutu, astutu
Natale hè falatu beatu
Quì ci hè poca ghjente
Ma quì ci hè la fede
Da scaghjà la neve
Da piglià sumente
Ci hè quellu chì vede
È quellu chì sente
È sempre un parente
Chì ùn ci vole crede
O sì u bambinellu
Ci dessi sicuru
U pane futuru
E spiche à granellu
Tandu lu zitellu
Campessi ellu puru
Da omu maturu
Cù lu so fratellu.
Parolle : Bartulumeu Dolovici
Musica : I Muvrini
Per rompe a santa pace
Di a notte di Natale,
Dicembre avia sceltu
À a prima ora vesperale
Di fà move à l'ispensata
Un funestu timpurale.
Fraiu di tonu è timpesta
Ne suffria la cuntrata
Nu la piana à Cumineddu
Da la neve accampata
Ci era una banda di capre
À la morte cundannata.
À spiccera u pastore
Corse ver di l'alta serra
Da le borghe risunava
U rughju di a fiumara
Quandu chjama lu destinu
Ùn ci hè forza chì u para.
U duvere per la manu
U s'hà presu, l'hà purtatu
Fin'à la so bandarella
Mezu à ella hè cascatu
Prima di francà la verga
À u puntu signalatu.
U pastore si muria
À l'eternu si n'andava
A banda di e so capre
In chjerchju lu ricaldava
Nu la notte negra è bianca
A parca s'incaminava
Mezu à le so caprarelle
Si n'hè mortu un gran pastore
S'hè spentu quandu nascia
U Bambinu Redentore
Ci aghju vistu cum'è un cennu
D'una manu superiore.
À la so muntagna mamma
S'era tantu cunsacratu
A so terra sfurtunata
In bracciu u s'hà pigliatu
Ver di le gran selve bionde
Di Natale l'hà cullatu.
Parolle : Dumenicu Ambrosi
Musica : Paulu Chiesa
O Maria Piena di Grazie vi salutu
U Signore più supranu hà vuliutu
Chì à mezu à l’altre donne siate scelta
Per esse Santa è Benedetta
È chì u fruttu di u vostru Partu Ghjesù
Sia benedettu ancu di più
Santa Maria madre di Dio
Per noi pregate
Povari peccatori, anime straziate
Pregate pè la nostra sorte,
Oghje in ora di a nostra morte
O Santa Maria, è cusì sia.