Chì ghjè l'INFCOR ?

U 19 d'aostu di u 1983, u prugettu di l'ADECEC era di creà una banca di dati linguistichi a più cumpleta pussibule.

U prugramma, chjamatu INFCOR, prevede l'arrigistramentu, a messa in sesta è a cuncolta di tutte e cumpunente di a lingua: vucabulariu tradiziunale è e so varietà, terminolugie specifiche anziane è muderne, nomi propii, lucuzione...

Ogni entrata cuntene, in più di a definizione in lingua corsa, a prununzia, l'etimolugia, i sinonimi, l'antonimi, i derivati è cumposti, l'analugie, eppo l'equivalenti francesi, taliani, inglesi… un'illustrazione ricacciata da l'opere litterarie è, casu mai, una bibliugrafia, chì cumpletanu ogni articulu.

Ogni persona publica o privata pò cunsultà quand'ella vole a mansa d'infurmazione racolte è attualizate in u prugramma INFCOR, in usu dapoi u 1999. Dunque, deve ghjuvà à l'usu è à l'insignamentu di u corsu.

Cumu aduprà l'INFCOR ?

In a parte manca di sta pagina, u campu di ricerca vi permette di stampittà a parolla o una parte di a parolla ch'è vo cercate. L'ozzione chì si trovanu sottu vi permetteranu di precisà sì vo cercate una parolla corsa o francese, è sì vo cercate e listesse parolle, cumincendu, finiscendu o cuntenendu ciò ch'è vo avete stampittatu.

Appughjà nant'à ferà principià a ricerca è hà da affissà i risultati.

Appughjendu nant'à , puderete sceglie i risultati ch'è vo vulite.