« Pascal Paoli, père de la patrie corse »
Un persunagiu
più grande chè u so mitu. Eccu cum’ellu
si presenta Pasquale Paoli
in sta biugrafia fatta da Antone Maria Graziani. Pè rializà stu
libru di riferenza, l’autore, chì studieghja
dapoi vinti anni a storia di a Corsica, hà principiatu
un’opera difficiule nant’à e surgenti è l’archivie. Pè parechji,
serà una scuperta. È ancu di più : u
« babbu di a patria »
hè scrittu in una rialità cumplessa,
luntana da una fiura d’Épinal cum’è da una visione strumentalizata
di a so azzione.
Sì Paoli entre in a storia, ùn hè
micca à casu. Da zitellu, hè digià
rispunsevule è u determinismu
famigliale hè di primura. Sta prugrammazione
isulana ùn hè micca à u so
livellu. Paoli hè « europeu », è i Corsi ùn sò micca
i soli à ricunnoscesi in ellu.
Antone Maria Graziani mostra cumu a storia
isulana si leghje in a storia turbata di st’Europa chì cambia,
ma dinù in i currenti maiò di u pensamentu di u tempu. Cuncogliendu bè u stalvatoghju è l’analisi, l’autore schjarisce stu destinu chì stunò
è affascinò i so cuntempuranei. À tempu teoricu è omu d’azzione mettendu e so idee in opera,
Paoli, chì a vita hè cum’è un rumanzu,
hà riprisentatu l’esempiu più riesciutu di u legislatore di e Luci. Ci era in ellu a rincarnazione
di i savii di l’Antichità,
i sapientoni vulianu frequentallu è i rè circavanu i so cunsiglii.
Stu libru,
induve si sente ch’ellu ci hè vulsutu sempre
à fà e scelte, vistu a divizia d’infurmazioni, serà arricchitu di sicuru da a currispundenza di Paoli, chì u primu tomu escerà
prussimamente, sempre cunduttu da Antone Maria
Graziani.
- « Pascal Paoli, père
de la patrie corse », da Antone Maria Graziani,
edizioni Tallandier, 340 pagine,
21,50 scudi.
« La marine corse au temps de Pascal Paoli », u 10 d'aostu di
u 1971.
Appughjate
quì per leghje a paruzione