Figliulinu di Ghjuvan’Camellu, chì e canzone è l’arie d’organettu anu animatu parechje serate, Iviu Pasquali hà mantenutu una tradizione cù un’origine bella luntana. Paisanu di San Damianu, in sta valle d’Orezza induve certi lottanu sempre pè fà rinvivisce u rughjone, hà publicatu pocu fà « Paghjelle è puesie di Castagniccia ».

« Ricirchendu sempre e tracce è e vistighje di u nostru passatu, passiunatu pè a nostra storia è e nostre radiche, prova dinù à dà u fiatu à a creazione... Bella sicura i testimoni di quelli chì a l’anu pruvata prima à’mpruvisà è à scrive in Corsu, l’amicu Pasquali ùn li

Voi ne site venuti
Quandu l’intese la nuvella
Per amparà à cantà
Nostra messa in paghjella
È di quessa la squadretta
Ne pudemu esse fieri.

Avete fattu la scelta
È un bellu sacrifiziu
Per salvà i nostri canti
In le borghe orezzinche
Piazzole, Pedipartinu
Pedicroce è Ped’Orezza
E Valle è San Damianu
À le duie estremità
Scuprerete li secreti
È l’anziana manera
Di ste vechje melodie
Fretu danu in lu spinu.

È po l’induvinerete
Sò chì prima hè l’armonia
A passione è l’amicizia
Cun la bella cumpagnia
È cusì rivuccherete

Cun manera è fantesia In accurdendu li soni
In lu sensu muntagnolu
À voi vi si parerà
In li nuli di culà
Trimeranu li pentoni
Quelli di lu San Pedrone.