Rivista literaria di l’associu di sustegnu di u Centru
Culturale Universitariu
Università di Corti
S.P. 52 – 20250 Corti
Cap’articulu
« FOGLIU
DULENTE… À TUTTI QUELLI CHÌ SCRIVENU »
Mi vulerebbe, in corte parolle,
addirizzà à i scrittori in lingua corsa chì ci mandanu e so pruduzzione. Per dì
li chì, per disgrazia, u spaziu di spressione offertu da a rivista Bonanova
ùn pò esse largu quant’ellu hè spripusitatu l’estru oghjincu (…) È puru chì
sfida cusì tremenda ! Fà a prova chì a lingua corsa hè nanz’à tuttu una
lingua di creazione. A sapete voi chì scrivite, a sapemu noi chì accatastemu…Ma
s’ella nasce avà a lingua corsa à sporta piena, u mercatu ellu hè sempre cusì
mischinu. Prufessiunali di u libru o di a cultura, à nant’à st’isula, ci n’hè
quant’è u pelu nantu à l’ovu (…) Cumu serà chì dapoi issi trent’anni omancu a
lingua corsa appia fattu a dimustrazione ch’ella hè lingua di creazione è
ch’ellu sia u mondu di a stampa cusì cioncu è cusì cecu ? Quistione di
furmazione, pò dà si. U fattu si stà chì ogni ghjornu ch’ellu esce un libru,
ogni sera ch’ellu si pruduce un spetaculu, ogni stonda ch’ellu si sente un
cantu…a lingua corsa trova u silenziu zeppu di u cumunicà. È u facenu cresce
tutti quelli rispunsevuli di i Media chì oghje ùn sò ancu cuscenti nè persuasi
chì in issu paese si passa dinù qualcosa à livellu culturale da valurizà, da
criticà, dà fà cunnosce. (…) Tandu sperendu ch’ellu si dia di rimenu
quellu spaziu d’infurmazione, voi altri creatori campate puru scrivendu (...)
A campa chì a literatura
possi aspettà chì u mondu di a diffusione, sempre novu di tecnulugia, richjappi
u so ritardu di riflessione, pocu antivista d’ideulugia !
Dumenica VERDONI
Sunta
CAP’ARTICULU
Dumenica Verdoni
Creazione
U SINEMÀ
Arnestu Papi
I DUI FIGLIOLI
Claudiu Guglielmi
RITORNU
Ghjuvan Maria Comiti
À USU DI NANZI
Lisandru Muzy
U PRUMESSU
Guidu Benigni
IN PUNTA DI A LINGUA
Paulu Desanti
L’AVIA TANTU SUNNIATU, U GESTU
Stefanu Pergola
OMU, BOLU
Lisandru Muzy
MI BALLANU
Marcu Ventura
L’ALITI
Partrizia Gattaceca
U MACELLU
Paulu Michele Filippi
A MEMORIA DI L’ACQUA
Ghjacumu Thiers
VOCE
Paulu Michele Filippi
Critica
A NEPITA ELETTURALE
Guidu Benigni
UN PARÈ À NANTU À
A LITERATURA CORSA
Marcellu Jurezek
SCRIVITURE CRUCIATE
Ghjuvan Maria Comiti
A TRADUZZIONE
Paulu Michele Filippi
CULLEZZIONE VERANU DI I
PUETI
Dumenica Verdoni
Sò nati
CHEESE
Alanu di Meglio
MACAGNI
Ghjuvan Maria Comiti
RISA È CANTI – U PANE
AZIMU
Ghjuvan Maria Comiti
Sussuri
U MEDICU STRANIERU
Ghjacumu Thiers
QUATTRU ISULI LITERARII IN
UNA
Alanu di Meglio
PREMIU CTC À G.G. FRANCHI
Alanu di Meglio
Scunfini
MEDITERRANIU : U GHJUVORE
U MEDICU STRANIERU
Antoni Arca
PUEMI DI ROSA ALICE BRANCO
Tradutti da Ghjacumu Thiers
PUEMI DI DANIELE RONCO
Tradutti da Ghjuvan Maria Comiti
PUEMI DI CASIMIRO DE BRITO