« Amadeu u Turcu » di Guidu Benigni

Dopu à una carriera militare chì l’hà purtatu in u mondu sanu, Guidu Benigni volta in Corsica in l’anni 1975 è si stalla in Pigna, in Balagna. Hè u creatore di l’associu di u turismu à cavallu. À tempu, si face scrittore in corsu è ghjè premiatu à u cuncorsu di nuvelle di a Biennale di prosa literaria Corsu-Sarda d’Ozieri, in u 1997. Pueta, autore di favule è traduttore, hè cullaburadore à a rivista literaria « Bonanova » di u Centru Culturale Universitariu.

« Amadeu u Turcu » conta, in lingua corsa, a storia di un giovanu Capicursinu chì campa trà a Corsica, l’Italia è l’Oriente. Scuntrerà in particulare a bella Fiora, è ne diventerà innamuratu. Ma st’amore essendu cuntrariatu, parte torna in mare è si face chjappà da i barbareschi.

U libru hè illustratu bè da Filippu Antonetti chì hà fattu una cuprenda assai culurita.

« Amadeu u Turcu », 184 pagine, 15 scudi.