|
|
||
| ||
U 13 luddu in Chera
Ci era ancu u spuntinu cù chjama è rispondi,
puesia è musica.
1884 - 1972
«Mintuvemu
quì uni pochi di paroli avendu un sensu sfarenti da un paesu à l’altru :
"u tampu, a tampa è i bruculi". A prima, in certi paesa di Corsica
suprana, hè u ragnu di a Corsica suttana. A tampa è i bruculi sò a brusgia di Corsica
suprana. Piddemu avali una parola chì u sensu cambia : "u caccaveddu
o caccavellu". In Corsica suprana hè a pastizzaria chjamata u campanile o
issu ragnu pichjulatu russu peghju chè a zinefra. In
Corsica suttana hè a pastizzaria o u muconu. Dunqua a parola ghjova à chjamà o
calcosa chì si manghja o un mignòculu ch’iddu sighi insù o inghjò. Tandu ci hè
issu ligamu di a lingua. Ghjè podarsi iss’ unità chì faci chì un Suttanacciu ùn
manghjessi micca un mignòculu indittatu da un Supranacciu com’è un caccaveddu !
O à l’arritrosu, chì certi ùn pugnessini micca di capiciuttà in u so carminu pà
circà una strada sì cachissia attieghja davanti mughjendu "u caminu, u
caminu !… ". A sapemu u fundu hè listessu.
Aghjustemu
à issi dui è trè burli un asempiu di geniu cumunicativu impruvisatu :
Chjama
Eiu
ingaggiu la battaglia
È ghjè
ingaggiu la baruffa,
Diti :
- Qual’ hè statu fattu avanti,
U
martellu o la tinaglia ?
Si
avanti hè la gallina
O l’ovu
drintu la paglia ?
Sì vo’
rispunditi,
Hè chì
vo’ seti pueta !
Rispondi
A
tinadda è lu marteddu,
Aghju
cunnisciutu è vistu,
Chì
quandu era ziteddu,
Dui
dita m’aghju pistu !
La
tinadda è lu marteddu
Chì sò
ghjuvati da Cristu !
È
quiddu ch’ hè fattu nanzi,
Dumandareti
à l’artistu !
Quistion’
di la ghjaddina,
Ùn vi
tiniti sicura,
Vi
daraghju la risposta,
Facciu
una ghjudicatura !
Quiddu
ch’hè vinutu nanzi,
Ghjè n’
invocu la natura !
Senza
essa pueta scaltru
Dui
stessi fan’ un antru !
Eccu un
chjama è rispondi da u Barbutu di Chera à un Supranacciu. M’hè parsu
impurtantissimu di mintuvà issa prova di geniu intellettuali trè dui parsoni
chì ùn si capiani micca… Allora s’e dicu marteddu è micca martellu ugnunu mi pò
capì. S’e u scrivu forsa sarà listessu. Quandu sentu chì ci vurria à scriva
martellu è leghja marteddu pensu ch’è no semu à i zenni di ciò ch’e
chjamaraghju un prublema d’adattazioni chì un ziteddu di cinqui anni t’hà.»
(“Opus
incertum”, A ferula, Juin 2002, Nu 15)