1 - 2 - 3 - 4

L'annu dopu, Sadi Carnot visita a Corsica. U 10 aprile, a municipalità, chì ùn hà ancu ricevutu una rispota, face una riquiesta à u prefettu per ch'ellu a trasmetti à u presidente di a Republica. Sta volta, hè torna quistione di trasfumà u cunventu in stabilimentu industriale destinatu à a preparazione di i prudutti agriculi : distillazione di piante arumatiche, scurtichera è scarmigliera di a ramia si a cultura pò esse intrudutta in u cantone. S'agisce d'una fibra impurtata da China è destinata à a fabricazione di i biglietti di banca. Quandu, in u 1882, i primi falzi biglietti fecenu à s'apparizione, a Banca di Francia n'hà avutu l'esclusività. I primi biglietti in carta ramia esceranu dui anni dopu a richiesta di a municipalità di Cervioni.
Per disgrazia stu gridu d'addisperu ùn fù intesu è u cunventu hè restatu pruprietà di u statu. In u 1914-1918, accoglie i prigiuneri di a guerra. In u 1939, ci hè in residenza u 7u R.T.M., hà servutu di centru mubilizatore. Dopu a guerra, a so vendita fù decisa. A municipalità di l'epuca ùn avendu fattu nunda per acquistallu, diventa pruprietà di a sucietà San Vincenziu di Paulu in Bastia chì l'adopra pè e so opere di giuventù, nanzu di rivendelu una quarantina d'anni dopu à a cumuna di Cervioni.

Note :

(40) P. Paolo OLIVESI : " Serafici e cronicali ragguagli della provincia Minore Osservante di Corsica ", in Lucca, appresso Jacinto Paci, 1671.- A.F.COLONNA : " Colonna Sacra… ".- Frà Pietro di Rostino : " Cronologia… ", Lucca 1717.
(41) Arch. Municipales. Cahiers des délibérations.
Ducumentu strattu da " La monographie du Campulori " d'Anton Dumenicu Monti. "