|
|
||
| ||
|
|
|
In u 1589, u statu di u cunventu hè cunvenevule
è Monsignore Mascardi, Visitatore appostolicu, ùn face
tantu critiche : " A chjesa hè spaziosa è pò
accoglie assai ghjente. E finestre sò situate in u battimentu
di a chjesa ; micca prutette ; l'acqua è a neve penetranu à
l'interiore durente l'uffizii divini impussibile di stà in chjesa.
L'accessu si face per una scala di parechji scalini, da u latu di u
Vangellu. I muri sò imbiancati. Nantu à i lati, banchi
in petra sò incastrati in i muri. U pulpitru è à
latu dirittu ; ùn hè micca decente è hà
bisogui d'esse rifattu. U core hè abbastanza cunvenevule. A chjesa
è polluata per via di l'umicidiu di u padre-guardianu cummessu
da un frate laicu in chjesa stessa. A sacristia hè situata daretu
à u core ; ùn hà nè cunfessiunalen è'ornamenti
sacri. L'altare maestru, sottu à u titulu di San Francescu, hè
abbastanza cunvenevule ma micca cunsacratu secondu e forme liturgiche.
Un altare purtativu (petra sacra mobile) hè ellu cunvenevule.
Ci hè un'apertura daretu è una nantu à u latu.
Un altru altare, sottu à u titulu di Sant'Antone, sottu à
u core, à latu dirittu, ùn hè micca cunsacratu.
Un terzu altare, sottu à u titulu di San Bonaventura, sottu u
core, à latu mancu ; listesse rimarche. A lampana brusgia davanti
à u Santissimu Sacramentu cunservatu di manera decente in u tabernaculu
di l'altare maestru. Un ciboriu in argentu ; micca conopeu. Dui cunfessiunali
cunvenevuli. Micca cunfessori for di u padre-guardianu. Ci hè
cinque frati, frà elli dui preti ". |
|
||
|
||
|
||
