Un situ di ghjochi in lingua Corsa

 

 

Ci hè un situ novu nant’à Internet, à prò di tutti quelli chì volenu divertesi è à tempu amparà u Corsu o migliurà a so amparera. Alanu Ghjiseppu Mori ne hè u criatore. U so doppiu scopu hè di scrive è fà scrive in lingua nustrale, parlà è fà parlà in lingua nustrale. Ci truverete duie manere di ghjucà, a prima cù ghjochi interattivi è a seconda cù ghjochi da stampà (cum’è un giurnale), sò cuncepiti è appariniti pè permette à ugnunu di ghjucà secondu e so capacità eppo avemu trè livelli di ghjocu. In più, certi ghjochi da stampà si ponu ricuperà à parte da stu situ è pudite dà u vostru parè. Pè facilità l’attività, ogni parolla primurosa hè tradutta in francese.

 

Da sapè chì certi ghjochi ùn funziuneghjanu tantu bè nant’à Netscape è esiste dinù un ghjocu avendu parechje quistioni. À Alanu Ghjiseppu Mori, li ferebbe piacè sì certe scole interessate li pudessinu mandà quistioni cù e so risposte pè inserille cù l’altre (a lista di isse scole serà affissata in u situ). E quistioni vanu da e più semplici à e più difficiuli è cuncernanu a cultura generale  ligata à a giugrafia, a literatura, a lingua corsa, u sensu di e parolle, l’animali, i culori, e forme giumetriche, i numeri, l’associu di nomi cù e maghjine, e sprissioni idiomatiche, i pruverbii...

 

Stu situ ghjè Corsejeux.fr.st