Alte Voce

« endemicu »

 

 

Alte Voce, eccu u nome di u gruppu creatu da Ghjuvanni MATTEI. Ghjè u sboccu di tant’anni di travagliu, di ricerca à prò di a cultura Corsa. Ghjuvanni MATTEI sparte cù i membri d’Alte Voce, a listessa affezzione di stintu à sta terra à u sensu primu di u pasturalismu, eppo a difesa di a lingua Corsa, sta filosufia di u core, di a tullerenza, di u rispettu di l’altri.

 

Trasmettenu anch’elli i canti pulifonichi. Sti canti seculari, trasmessi solu cù a voce, anu sunurità chì amentanu a vita muntagnola, a vita pasturale è u gruppu Alte Voce hè esciutu anch’ellu da stu modu di vita.

 

 

Dapoi u principiu d'aostu,"Endemicu", u terzu dischettu di u gruppu hè dispunibile. Stu dischettu palesa un'emuzione vera eppo u stile musicale di u gruppu, essendu à u più vicinu di e radiche tradiziunali, accerta a forza è a ricchezza di a canzona Corsa. Parechji temi sò amentati : a lingua Corsa, a storia di u populu Corsu, a natura animale è vegetale, l'umanismu, u rispettu, a tulleranza, a pace, u spartimentu...

Vene dopu à u primu dischettu, "Lingua Materna", chì hà incantatu u publicu, è u secondu chjamatu " Polyphonies". U 22 di lugliu, Alte Voce cantava in prima parte di u cuncertu di Patrick BRUEL, à u Casone in Aiacciu.

 

Data di i cuncerti pè stu mese d'aostu di u 2003 :

 

venneri l'8 in PORTU

sabbatu u 9 in ANTISANTI

dumenica u 10 in PURTIGLIOLU

luni l'11 in PALASCA

marti u 12 in TIUCCIA

mercuri u 13 in PURTICHJU

ghjovi u 14 in TIUCCIA

venneri u 15 in PORTU

sabbatu u 16 in LURI

marti u 19 in CAVRU

mercuri u 20 in TOLLA

ghjovi u 21 in PURTICHJU

venneri u 22 in PORTU

sabbatu u 23 in PURTIGLIOLU

marti u 26 in TIUCCIA

mercuri u 27 in PURTICHJU

ghjovi u 28 in PORTU

sabbatu u 30 in MARIGNANA

 

Alte Voce

c/o Mr Jean Mattei

Tel : 04 95 25 66 51

currieru elettronicu : jmattei@sitec.fr   

indirizzu : E Canteghje 20167 Cuttoli