Anton Filippu TRISTANI (1887 - 1970)

 

 

Casata: TRISTANI

Nome: Anton' Filippu

Nascita: U 24 ghjugnu 1887 in Zalana

Morte: U 15 settembre 1970 in Rodez

 

Pueta

 

Opere publicate:

Pesci fritti, 1924

A vindetta di Muvrellu, 1925

À curà ponti è lampioni, 1926

Mazzulu Corsu, 1965

Hà cullaburatu à A tramuntana, A Corsica, A Muvra, L'Almanaccu di A Muvra, L'Annu Corsu, L'Altagna.

 

Strattu:

 

A MORTE DI U CAMPANILE

 

Sallatu à mezu scogliu è capu à u ventu

Cantellu da mirà, lisciu è quadratu,

Sodu di pianta è di spalle ammatratu

Culossu fui da favvi lu spaventu.

 

Capu d'arte, da un ghjallu incappellatu,

Chì quandu lu nebbione di u sciloccu

À la croce annodava lu so fioccu,

Cù l'agnuli, quassù, paria appollatu...